In Loving Memory of Micheal Tuang

1987 - 2026

Suahni : 08/08/1987

Sih ni : 03/15/2026 Sunday

Vui ni : 03/21/2026 Saturday

KhuaLui : Saizang

Beh min : Tawmging Beh

Pawlpi : Roman Catholic

Sihvui Hun Gelna

Biakinn ah (Luanghawm tawh missa biakpiakna)

Amun: St. Rita Catholic Church

5550 E Lancaster Ave.

Fort Worth. TX 76112

Ani. : 03/21/2026 Saturday

Ahun : 9:30am – 12:00pm

1). Missa biakpiakna (Fr. Titus Pau)

2). Inntek lampan thugenna

3). Fort Worth Zomi Catholic pan thugenna

3). Zomi Innkuan lampan thugenna

4). Mangpha khakna la

5). Pawlpi misi vuina

6). Tawpkhak la (Jodan gun gei ah)

Hanmual ah

Amun : Azle & Lake Worth Funeral Home & Cemetery

850 N. Cardinal Road.

Azle, TX 76020

Ahun : 2:00pm – 2:30pm (March 21, 2026)

Hankhuk thupha piakna leh pawlpi misi vuina.

Pianna leh khankhiatna

Tg. Micheal Kham Mun Tuang pen Tedim khuapi, Lawibual veng ateeng Pu Joanness

Khup Khan Thang (Tawmging Beh) leh Pi Magaret Ciin Khan Niang (Gualnam Beh) te

sungpan in 1987 kum in, Tedim Khuapi, Lawibual veng ah suak hi. Tg. Micheal Tuang

pen pawlhuai mahmah leh thudik mahmah ban ah khutsiamna zong anei khangno khat

ahi hi. Pianpih unau sanggam 9 sungpan neu pen nih na ahi hi.

Pianpih Sanggam teng

1. Nu Khup Don Man + Thang Tulmung Suantak (Suantak beh)

2. Nu Kai Khan Ciin + Pa Thang Lam Khai (Buansing beh)

3. Tg. Gin Sian Kam

4. Nu Vung Lam Hau + Pa Vum Sian Piang (Gualnam beh)

5. Nu Ning Lam Vung + Pa Gin Khan Suan Mang (Songput beh)

5. Pa Peter Pum Khan Mung + Nu Monica Hau Muan Cing (Mahte beh)

6. Tg. Joseph Thang Khen Khai

7. Tg. Micheal Kham Mun Tuang

8. Nu Cing Suan Lian + Pa Mang Do Lian (Sote beh)

Pilsinna, nuntak khuasak zia leh nasepna te;

Pilsinna ahih leh Tedim Khuapi. Lawibual veng BEHS (2) ah tanlang pan tansawm asin

khit ciang in septheih bangbang sem in nungta khuasa in om hi.

Gamdang paina leh nuntak khuasak zia

Nuntak khuasakna anuamzaw ding in, 2010 kum in Malaysia ah pai hi. 2012 kum in USA

leitang Illinois khuapi tung hi. Tua pan in a it angaih asanggam’te omna Fort Worth.TX

ah kituah hi. US gam Fort Worth . TX ongtunciang in company nasep hita leh annsai,

sushi nasep’te sem kawikawi in nungta khuasa in om hi. US gam ongtung akipan ong

nusiat ni ciang dong Fort Worth. TX khuapi ah nungta khuasa in aom laitak ahi hi.

Ong nusiat zia

Ka nau uh Micheal Tuang pen a cidam mahmah khat hi-in, cina in zato tungngeilo hi.

Lam et hetloh laitak 09/15/2026 Sunday nitak 8:50pm (Central Time) in ama ii khan

sungpan in ihmusuak in a it angaih teng ong nusia a, tawntung nuntakna nei ih Pa kiang

ong ciahsan hi.

SUNG TUM LA (Latin La)

Requiem aeternam dona ets, Domine,

et lux perpetua luceat ets.

Te decet hymnus, Deus, in Sion,

et tibi reddetur votum in Jerusalem.

Exaudi orationem meam,

ad te omnis caro veniet.

Requiem aeternam dona ets, Domine,

et lux perpetua luceat ets.

SIANGTHO PASIAN’ TAU AH

The Holy Altar 1 cor 10:16-17

Doh is G

1. Siangtho Pasian tau ah, Lungdam tak in um khawm ve ni;

Lungsim kikhat in ah, Pasian tungah biakna pia ni.

Chorus;

A siangtho Pasian biakna tau tung ah, Na tate in kongpiak uh biakna’te hong

sangin Pa aw. Biakna tau mai ah, kong piak uh biakna te hong sang in.

2. Sianghto Pasian thau ah, Thupha hehpihna hong pia in; Kong piak

uh nang tungah, Biakna van’te hong sang ta in.

3. Siangtho Pasian tau ah, Khomun leengzu kong tawi uh hi; Siampi

tawh kop in ah, Topa tungah kong ap uh hi.

MISSA SUNG PAN

Bread In TheEucharist (John 6:31-51)

Doh is C

1. Missa sungpan hongpiang nuntakna khomun, Ei’te nek ding kha ann hi,

Mawhnei mi khempeuh aw manlang hong pai un, Ei ading baih sa’n om hi.

Chorus: Jesu(Jesu) sapna sacramentu (tung ah) ka itna lianzaw semsem hi (kote),

Topa itna sacramentu, kote nongpia tawntung ding hi.

2. Vantung gam pan a hong kumsuk keimah in, anungta khomun ka hi,

Kei hong um a hongsang mite khempeuh in, Tawntung nopna ngah ding hi.

3. Ei’te khempeuh ading kihawm khomun in,Topa Jesu pumpi hi,

Tua nuntakna khomun ane khempeuh in, Gilkial nawnlo ding uh hi.

4. Siangtho pumi ei’ten ihnek khop ciang in,Topa tawh ih kigawm hi, Ei’te

khempeuh Topa sung ih om ciang in, amah zong eisung om hi.

LATE 129

Topa aw kamawhna’te uh ciamteh le-cin, kua in thuakzo ding hiam? Topa aw…

1. Topa pasian aw sinkham nate lakpan nakiang ah kongthum uh hi. Ka thungetna

hongngai in Topa aw..

2. Ka thumna aw pen nabil hong ngat in.

3. Topa Pasian aw kamawhna uh na ciamteh leh, kua in thuakzo ding hiam?

4. Nang in mawhnate maisak thei nahih man-in, Nong thupiak nate hang in nakiang

ah kong nai ngam hi.

5. Nong kiciamna thu muang in, ka kha in Topa alamen hi.

6. Zingsang phalvak tungpan nitak khuamial dong in, Israel mite in Topa lamen ta

hen.

7. Banghang hiam cih leh Topa in hehpihna nei a, gupna akicing in anei hi.

8. Tua ahih man in Topa in, Israel mite mawhna khempeuh atankhia ding hi.

9. Hih misi Micheal Kham Mun Tuang tung ah thupha napia in.

10. Tawntung khuvakna zong ama tung ah, natangsak in Topa aw.

Topa aw kamawhna uh ciamteh le cin, kua in thuakzo ding hiam? Topa aw

LATE 51

1. Topa Pasian aw na hehpihna aliat mah bang in, Kei hong heh..pih in.

2. Na hehpina atam mah bang in, Ka mawhna hong phiat..khiat sak in.

3. Kakhialhna pan kei hong silsiang kiuhkeuh inla, Ka mawhna pan hong siangsak in.

4. Bang hang hiam cih leh kathu palsatna te kathei a, Kamawhna te kamai ah om

ngitnget hi.

5. Nangma tung mahmah ah, Khial in na mai-ah asia in kagamta zo hi. Na thugen na

tang a, Na thukhen na ah paubanna omlo ding hi.

6. En in mawhneisa in kei kasuak khia a, Ka Nu in hongpaicil akipan amawhsa kahi hi.

7. En in nang in thuman deih nahih man-in, Akitello akiselna ciimna’te kei hong

phawksak in.

8. Hyssop hiang tawh kei tui nongtheh leh kasiang ding hi, Kei nongsil leh vuk sang in

kango zaw ding hi.

9. Lungdamna leh kipaknang thu nong zaksak leh ateisa guh leh tang’te zong

alungdam kik ding hi.

10. Ka mawhna’te hong etsak kei inla, Ka khialhna khempeuh hong phiatkhiat sak in.

11. Topa Pasian aw, ka sung ah lungsim siangtho hong guan in-la, Ka ngaihsutna hong

puahkik sak in.

12. Nong muhna pan kei ong enthawl kei in-la, Ka sungpan na kha Siangtho lakhia kei in.

13. Nong hotkhiat lungdamna thupha kei hongpia kik inla, Lungsim cihtakna tawh kei

hong kipsak in.

14. Nathu apalsat mite nazia kahilh ding a, Mawhnei mite nanglam ah hongkihei dinghi.

15. Topa Pasian kei honggum ka Pasian aw, sisan luankhiat na pan kei hong hon khia

in, Ka kam in na thumaan na aphat ding hi.

16. Topa Pasian aw kamuk hong honsak le cin, kakam tawh nang kongphat ding hi.

17. Ganhing tawh biakna deihlo nahih man-in, meihal biakna hongpia leng zong na

lung kim kei ding hi.

18. Topa Pasian aw kisikna tawh hongbia kahih man-in,kiniam khiatna, kineu sakna

lungsim tawh kong biakna hongnial kei in.

19. Topa Pasian aw Jelusalem kulhpi akiciankik zawh nang in, Zion tung pan thupha

hong bawl in.

20. Tua hun ciang in, biakna maan, meihal biakna leh gan tawh biakpiakna te nangah

thei ding a, biakna tau ah bawngnote tawh hong kibia thei ding hi.

21. Hih misi Catherine Ngai Tawi Cing tung ah tawntung nopsakna na pia in.

22. Tawntung khuavakna zong amatung ah na tangsak in Topa aw.

…Ateisa guh leh tang te Topa mai ah lungdam ding.

NADAWN UN

M- Topa Pasian vantung mite leh misiangtho te aw nadawn unla namuak un.

T - Amakha nasang unla, Alianbel Topa mai ah na ap un.

V- Nang hongsam Christu in hongsang henla, vantung mite in Abraham angsung ah

hong paipih uh hen.

T- Ama kha nasang unla, alianbel Topa mai ah na ap sak un.

M- Hih misi tung ah tawntung nopsakna napia inla, tawntung khuavak na zong ama

tung ah natangsak in Topa aw.

V- Ama kha nasang un la, Alianbel Topa mai ah na ap sak un.

NON INTRES

M- Topa Pasian aw, na thuzui hih na tapa Tg. Micheal Kham Mun Tuang pen na

mawhsak kei in. Athu pan in mawhmaina napiak’te simloh namai ah siangtho mi

kuamah omlo hi. Tua ahih man-in, amah in na thuzui hi a, To thum Pasian khat

mintawh tuisawpna ngahzo ahih ciang-in, nong hehpihna tawh na mawhsakloh nading

in anungta tawntung Topa tung ah kong thum uh hi.

V- Amen.

Siampipa – Ka Topa Pasian aw, meikuang tawh hih leitung ah thukhen ding in

nongpai ciang in, van leh lei ong kiling ding hi.Tua lauhuai ni ciang kei hong hon khia in.

Mipi – Hong tungding henna leh thukhenna ka ngaihsut ciang in kei kalau a, ka ling hi.

Siampipa – Van leh lei ongkiling ding hi.

Mipi - Tua ni in alauhuai dahhuai ni leh cihmawh ni hi ding a, ahehhuai ni beiloh ni hi

ding hi.

Siampipa – Tua alau huai ni ciang kei hong honkhia in.

Mipi – Van leh lei ong kiling ding hi.

Siampipa – Hih mis’te tawntung nopsakna napia in. Tawntung khuavakna zong amau

tung ah natangsak in.

Mipi – Ka Topa Pasian aw; ……………..

Topa Pasian aw hong hehpih tan.

Christu Topa aw hong hehpih tan.

Topa Pasian aw hong hehpih tan.

- Topa honghilh thungetna…….

Siampipa- Ze-etna lak ah hong kihel sak kei in.

Mipite- Hoihlohna pan hong honkhia in.

Siampipa- Dawi khutsung pan,

Mipite - Amakha nala khia in Topa aw.

Siampipa- Nopsakna ngahta hen.

Mipite - Ka thungetna aw uh nangkiang hong tung tahen.

Siampipa- Topa Pasian in note tawh omkhawm ta hen.

Mipite - Nakha tawh zong om tahen.

Siampipa …..Thungenni…

Mipite - Amen.

TAWPKHAK LA

JORDAN GUN GEI-AH

Doh is -G; Timing - 4:4

1. Jor-dan gun gei ah ka ding a, A gal lam ka en hi,

Ca-nan gam nuam hong ki lang a, Ka luah na ding gam hi.

Sakkik: Tua a nuam gam sung ah ei i teeng ding (I teeng ding) A niim dil

dial tua gun gal khat ah… Nung ciang in Mawsi leh Tuu no la i sa ding,

Jesus tawh maang tawn tung na ah.

2. Tua apha bel gam nuam sung ah, Ni a taang tawn tung hi,

Pasian Ta Je-su maan na ah, Khua mial ngei nawn lo hi.

3. Cik-ciang tua gam nuam sung tung in, Thu pha ka sang ding hiam?

Cik-ciang ka Pa mai tang mu in, A ang sung ka khawl diam?

HANMUAL AH

Pa, Tapa, Khasiangtho mintawh Amen.

Siampipa… Thungenni….

Mipi ………...Amen.

Ant: John 11:25

Keimah in thawhkikna leh nuntakna hing, Kei hongum’te in, sihna athuak hang in

ahingkik ding uh hi. Kuamah peuh kei hong um a, anungta’te cikmah hun in singei

nawnlo ding hi.

Luke 1: 68-79

1. Israel mite Topa Pasian in, ama mite hongveh a, hong gumkhia ahih man-in, ama

tung ah thupha om hen.

2. Ama sila David suan leh khak sung ah, gupna saki aphutzo hi.

3. Tanglai a kamsang misiangtho’te tung ah, hibang in agen hi.

4. Ihgal’te leh ei ong mudah’te khutsung pan, hong honkhia ding hi.

5. Ih Pu IhPa’te tung ah a kamciam mangngilhlo ahih man-in, tua kiciamna pen

tu-in ong tungsak in.

6. Ih Pa Abraham tawh athuciamna pen, ei tung ah ongpia ta ding hi.

7. Ih galte khutsung pan hong hotkhiat ciang in, launa omlo in amah ihbia ding hi.

8. Ih khan tawntung siangthona leh thumanna tawh, Topa mai ah ihom ding hi.

9. Nang naungek aw nangpen asangbel pa kamsang hong kici ding a, Topa mai

ah napai ding a, ama lampi nasial ding hi.

10. Ama mite tung ah gupkhiatna le, amau mawhna’te amaisak na thu nahilh ding hi.

11. Ih Topa Pasian in hong hehpih man-in, vantungpan hong kumsuk a, eite kiang ah

honghawh hi.

12. Eite in lammaan ihzuih theih nading le khuamialna sung ah atu mite tungah,

khuavakna hong tangsak ding hi.

13. Hih misi Michael Kham Mun Tuang pen, tawntung nopsakna napia in.

Tawntung khuavak na zong, amatung na taangsak in Topa aw.

Ant: Kei mah in thawhkikna leh nuntakna hi ing, Kei hongum’te in sihna

athuak hang in, ahingkik ding uh hi. Kuamahpeuh kei hong um a,

anungta’te cikmah hun in singei nawnlo ding hi.

+ Topa Pasian aw hong hehpih tan.

- Christu Topa hong hehpih tan.

+ Topa Pasian aw hong hehpih tan.

Vantung a om kote pa aw…………….

+ Ze-etna lak ah ong kihelsak lo in.

- Hoihlohna lakpan hong honkhia in.

+ Dawi khutsung pan in.

-Amakha na lakhia in Topa aw.

+ Nopsakna ngahta hen.

-Amen.

+ Topa Pasian aw ka thungetna aw hongngai in.

- Ka thungetna aw nakiang hongtung ta hen.

+ Topa Pasian in note tawh omkhawm ta hen.

- Na kha tawh zong om ta hen.

Siampipa… Thungenni…..

Mipite …Amen.

+ Hih misi tung ah tawntung + nopsakna napia in Topa aw.

- Tawntung khuavakna zong ama tung ah na taangsak in Topa aw.

+ Nopsakna ngahta hen.

- Amen.

+ Topa Pasian hehpihna hang in, thuzui’te khempeuh kha in nopsakna ngah ta hen.

- Amen.

NUNG CIANG IN ANOPNA

Sweet By And By

Doh is G

1. Sun sang in aphazaw gamnuam om a, I upna in kigalmuh thei hi,

Ei a ding tua gampha vantung ah, Ih pan omna ongbawlsak ding hi.

Chorus:

Nung ciang in, anopna, Tua gam pha ah ih kimu ding hi,

Nung ciang in anop na, Tua gampha ah ihkimu ding hi.

2. Ei’tee in tua gungal gampha ah, Thupha ngah mi’te langaih sa-in,

Dah ngei nawnlo ding, I lung sung ah,Khuisa ngei nawnlo ding tawldam ding.

3. Hong piaksa vanglian hong itna pi, Hong siangsak thupha pahtawina la,

Tawlngalo phatna I sa ding hi, Hong it vantung Pa Pasian mai ah.

NANGMAH TAWH PASIAN OMKHAWM TA HEN

Doh; is – Db; Timing – 4:4;

1. Nang mah tawh Pasian omkhawm ta hen, A hongpi a hong len ding in,

A tuu tawh hong kem khawm ding in, Nang mah tawh Pasian omkhawm ta hen.

Sakkik;

I ki-muh (I ki muh) kik mateng (mateng), Jesu kiang ki muh ma-teng(Muh mateng),

I ki Muh (I ki muh) kik ma teng (Mateng) Nang mah tawh Pasian omkhawm ta hen.

2. Nang mah tawh Pasian omkhawm ta hen, A khanuai hong liah hongdal in,

Ni sim *Ma-na* hong vak ding in, Nang mah tawh Pasian omkhawm ta hen.

3. Nang mah tawh Pasian omkhawm ta hen, Lau na’n hong lungam sak ciang in,

Ang sung hong pom bikbek ding in, Nang mah tawh Pasian omkhawm ta hen.

LUNGDAM KOHNA

Amasa in kum 39 sung nuntakna hu ongkopsak ihbiak Topa Pasian tung lungdam ko

masa ung. Okalahoma City pan ka sanggampa uh hun nunung missa tawh biakpiakna

hong bawlsak ding leh ongvuisak ding a ongpai Fr. Titus Pau leh apawl’te tung ah zong

lungdam mahmah ung. Ong nusiat nitak akipan vai khempeuh ong buaipih’te

khempeuh leh adiak in Pa Thang Tulmung Suantak te innkuan, Korea pa Rev. Dr. Paupi.

Nitak sim nek leh dawn ding ong vaihawmsak U Pau Piang leh Ciin No’te tung gen

zawhloh lungdam mahmah ung. Tua ban ah pawlpi vai biakinn vai khempeuh ong

vansak Nu Mary Cing hitaleh Fort Worth Zomi Catholic Community makai’te, pawlpi mi

khempeuh tung, hantan ni ciang dong ong buaipih’te, akhual atual pan ongpai meltheih

unau sanggam akuamaciat, na thatang bek uh hilo, neihsa sum leh pai nektheih

dawntheih ongpia dahpihna onglak mimal khempeuh tung ah zong lungdam mahmah

ung. Mimal in atleng tamlua ding ahih man in ong huh ong buaipih khempeuh tung ka

lung uh dam mahmah hi.. Nagim na tawl na’te khempeuh uh leh nasup nabai na’te

khempeuh uh ihbiak Topa Pasian in azahtampi in ong thukkik sak ta hen. Amen.

Vok onggawh teng, pakkual leh puan laisan ongpia teng;

1. - Pa Thang Tulmung Suantak & Nu Khup Don Man te innkuan

- Vok Khat ($ 500.00)

- Pakkual khat leh puan laisan khat.

2. - Pa Thang Lam Khai & Nu Kai Khan Ciin te innkuan

- Vok Khat ($ 400.00)

- Micheal Tuangpi kivui ni aksa leh tui bei vekpi

- Pakkual khat leh puan laisan khat.

3. Pa Joseph Kham te Innkuan – Vo Khat ($400.00)

4. Tg. Cing Lam Mung (Cia Mung)- Vok Khat ($400.00)

5. Zomi Innkua USA – Pakkual khat

6. Zomi Innkuan Fort Worth – Pakkual khat

7. Tg. Steven Mang – Bulletin print na sumbei teng

Lungdamna lianpi tawh;

Ong nusiat a sanggam teng.

Micheal will be having a visitation from 4:00 PM - 8:00 PM, Friday, March 20th, 2026 @ Roberts Family Funeral Home, located at 4200 Denton Highway, Haltom City, TX 76020. His funeral will be held at 10:00 AM, Saturday, March 21st, 2026 at St. Rita Catholic Church, located at 5550 E. Lancaster Ave, Fort Worth, Texas 76112. Following the service, his committal will be held at Azleland Memorial Park, located at 850 N. Cardinal Rd, Azle TX 76020.

May he rest in peace.